Отдел образования Карасайского района – автор комментариев на Tengrinews.kz :interval

Қарасай ауданының білім бөлімі, 04.09.2023 ж. Tengrinews.kz парақшасында жарияланған Райымбек а.о. Абай ауылындагы N°2 орта мектеп формасы бойынша келесіні хабарлайды: Аталған мектеп 2017 ж. қыркүйек айында ашылды. Мектеп оқушыларының ата-аналары мектеп формасы туралы мәселелерді талқылауға қатысуға және оны жетілдіру бойынша ұсыныстар енгізуге құқылы екенін ескере отырып, ата-аналардың жиналысы өткізіліп, барлық оқушыларға бірдей арнайы мектеп формасын таңдады. Бірақ арнайы түсті мектеп формасын сатып алуға міндеттелген жоқ. Мектеп формасын тігетін дүкендермен келісім шарт жасалмады. Ата-аналарға мектеп формасы туралы Қазақстан Республикасы Білім және ғылым министрінің 2016 жылғы 14 қаңтардағы №26 бұйрығына сәйкес орта білім беру ұйымдары үшін міндетті мектеп формасына қойылатын талаптар (2020 жылғы 13 шілдедегі өзгерістер мен толықтырулармен) туралы түсіндірме жұмыстары жүргізіліп, әлеуметтік желілерге хабарландырулар таратылды (дәлелдеме ретінде, karasay_abai_auly_2mektep әлеуметтік желіде 07 тамыз 2023 жылы ата-аналар мен мектеп оқушыларына мектеп формасы туралы хабарлама). 31 мамыр 2023 жылы №5 педагогикалық кеңесте мектеп формасын бекіту туралы мәселе қаралды. Осы оқу жылында мектеп формасы: түсі қара-көк, мектеп формасының үлгісі классикалық стильде болуы қажет екені сынып жетекшілерге айтылып, ата-аналарға алдын ала ескертілді. Ата-аналар тарапынан наразылық жоқ.

Қарасай ауданының білім бөлімі аталған жазба бойынша келесіні мәлімдейді. Алматы облысы, Қарасай ауданы, Қошмамбет ауылында орналасқан Қ.Қошмамбетов атындағы орта мектебі 2014 жылы қолданысқа берілген, жобалық қуаттылығы 600 орын. Бүгінгі күнге 2286 оқушы 3 ауысымда білім алуда. Үш ауысымдықты жою мақсатында Қошмамбет ауылынан 3 га жер телімі қарастырылып, 2023 жылға «Жайлы мектеп» жобасы аясында 1200 орындық мектептің құрылысы жоспарлануда. ​Ата-аналар арасында мектеп құрылысы туралы ақпараттық-түсіндіру жұмыстары толығымен жүргізілген. Облыс әкімі М.Сұлтанғазиев, аудан әкімі Ж.Естеновтың халықпен кездесуінде аталған мәселе бойынша толық ақпарат берілген.